Outras páxinas

 

Estado dos muíños antes da restauración

Proxecto

O proxecto de restauración iniciouse en xaneiro do 2007, e ten que estar rematado a finais de xuño de 2008. Está financiado nun 75% por fondos europeos e o 25% restante pola Comunidade de Montes de Couso.

O proxecto comprende catro muíño de cubo, dos que se restaura o exterior de todos e un deles se pon en funcionamento; un muíño de canle, que se deixa sen restaurar; e unha acea, muíño de roda vertical de madeira, que se vai restaurar no exterior e por en funcionamento. Este é un dos protagonistas do proxecto.

A outra consideración diferenciadora e que, como podedes ver no mapa de máis abaixo, o Sendeiro das Greas, que percorre os concellos da Área Metropolitana de Vigo, ten aquí un tramo de 2 km que discorre por asfalto (en roxo no mapa). Nós presentamos como alternativa a construción dun sendeiro que recorra os muíños de Cans, todos de canle e en proceso de restauración, e os muíños de Couso, sempre pola beira do regueiro, entre fervenzas e vexetación de ribeira (en verde no mapa). Esta alternativa foi valorada moi positivamente pola Federación Galega de Montañismo.

Localización

Circulando pola autovía desde Vigo en dirección Ourense, saímos na saída de Cans. Ao final do carril de saída xiramos á esquerda. Ao pouco atopamos unha gasolineira de Repsol, a man dereita (a da man esquerda está abandonada). Pouco máis adiante, despois dunha curva en S, miramos á dereita unha nave azul de camións e o clube Witiza. Collemos a estrada que sae á dereita e pasa por diante de ámbalas dúas construccións. De ningunha maneira podemos pasar por enriba da autovía (se é así e que a cag...). Desde aquí temos 1,5 km ata chegar á altura da canteira. Antes xa empezamos a mirar os muíños á nosa dereita. En fronte da entrada da canteira arranca unha pista de terra onde podemos deixar o coche. Chegamos.

Plantación de frondosas

Podemos dividir a superficie de actuación en tres zonas:

1.- A ribeira do regueiro: raiado en azul e color beige. Vanse plantar especies propias de ribeira. En concreto, 45 freixos, 45 abelairas, 45 amieiros, 25 bidueiros e 79 salgueiros.

2.- Barreira vexetal: os puntos verdes. Vanse plantar especies de folla perenne para protexer o espacio dos camións da canteira. En concreto, 130 acivros, 40 estripeiros (non ten folla perenne pero ten espiñas), 39 érbedos e 193 loureiros.

3.- Fraga : a superficie verde e a zona raiada con árbores. Vanse plantar especies frondosas: 180 castiñeiros, 320 carballos, 50 pradairos, 50 nogueiras, 20 capudres, 60 cerdeiras, 40 acivros e 15 sobreiras.

Por unha cuestión de permisos tivemos que retrasar a plantación e agora, coa primavera adiantada, o tempo bótase enriba. O fin de semana do 1-2 de marzo pensamos facer a barreira vexetal e a vexetación de ribeira. O fin de semana do 29-30 de marzo o resto. Polo medio vanse retirar os eucaliptos que aínda quedan na zona.

Álbum de fotos

Sobre nós | Site Map | Última actualización: 08.12.2008 | Subscrición | ©2008 Asociación Cultural San Martiño de Couso